Vivenda colaborativa en cesión de uso en Roxos, Santiago de Compostela
Un lugar real para construír unha nova forma de vivir
SOLO ADQUIRIDO EN ROXOS
3.380 m²
COMUNIDADE EN CONSTRUCCIÓN
Cooperativa aberta
FASE ACTUAL
Tramitación urbanística e deseño
PRÓXIMOS PASOS
Anteproxecto e modelo económico
IMAXINAMOS
Espazos para compartir, coidar e medrar en comunidade
Alvariza nace para crear fogares arredor dunha comunidade viva. Espazos compartidos, natureza e arquitectura pensados para favorecer o encontro, o coidado mutuo e unha vida máis sostible.
Imaxinamos un lugar no que compartir espazos, recursos e experiencias forme parte da vida cotiá, favorecendo relacións máis próximas e unha maneira de habitar máis consciente. A arquitectura, integrada na contorna natural de Roxos, estará pensada para facilitar o encontro espontáneo, o coidado entre veciñas e veciños e unha convivencia aberta e participativa.
Que ofrecemos?
Fogares accesibles e sostibles
As nosas vivendas estarán deseñadas para ser economicamente alcanzables e respectuosas co medio ambiente, garantindo así un futuro sostible para todos. Empregamos materiais de alta calidade e solucións enerxéticas eficientes que contribúen a reducir o impacto ambiental.
Colaboración e apoio mutuo
Promovemos servizos, actividades e espazos compartidos que fomentan a interacción, a cooperación, a saúde e a vida comunitaria. facilitando a conciliación e o envellecemento activo dentro dunha comunidade solidaria. As actividades e espazos compartidos fomentan a interacción e a cooperación diaria, creando un ambiente de verdadeira comunidade.
Inclusión interxeracional
Ofrecemos espazos acolledores para familias, parellas e persoas soas, adaptados a diversas necesidades e estilos de vida. En Alvariza, todos son benvidos e valorados, independentemente da súa idade ou situación.
O LUGAR
Roxos, a 10 min. de Santiago de Compostela
Escollimos unha ampla parcela en Roxos pola súa combinación de tranquilidade, natureza e proximidade á cidade.
→ A poucos minutos de Santiago de Compostela.
→ Boas conexións por estrada e transporte público.
→ Servizos próximos: saúde, educación e comercio.
→ Xunto ao Camiño de Santiago e á contorna natural.
Quen somos?
Somos unha cooperativa que promove a creación dunha comunidade intencional e interxeracional que comparta vida e servizos en vivendas colaborativas. Fundada no 2020, Alvariza Colaborativas está composta por un grupo diverso de persoas unidas polo desexo de vivir nunha contorna que promove a solidariedade, a sustentabilidade e o coidado mutuo. A nosa comunidade está formada por individuos de diferentes idades, profesións e intereses, todos comprometidos en construír un futuro mellor e máis colaborativo.
Misión e visión
Misión
A nosa misión é promover a solidariedade, a interxeracionalidade e o coidado mutuo dentro dunha comunidade colaborativa. Pretendemos ofrecer vivendas asequibles e sostibles, mellorar a calidade de vida dos nosos membros e contribuír positivamente ao medio ambiente.
Visión
Imaxinamos un mundo onde a paz, a solidariedade e a xustiza social sexan valores fundamentais. En Alvariza, queremos ser un exemplo de como a colaboración e a participación poden crear comunidades harmoniosas e diversas, capaces de integrar fórmulas creativas e xenerosas para a convivencia.
Obxectivos do proxecto e folla de ruta
A nosa folla de ruta contempla a planificación e desenvolvemento das vivendas, así como a implementación de iniciativas sostibles e comunitarias que melloren a calidade de vida dos nosos membros.
Os nosos obxectivos inclúen:
- Proporcionar asesoramento técnico, xurídico e económico.
- Establecer colaboracións con entidades públicas e privadas.
- Ampliar a nosa comunidade e garantir a interxeracionalidade.
- Ofrecer formación e adestramento en relacións interpersoais e convivencia.
- Integrar o proxecto na contorna local e compartir recursos.
A quen nos diriximos?
En Alvariza, dirixímonos a persoas que buscan algo máis que unha vivenda. Buscamos a aquelas persoas que queren formar parte dunha comunidade activa e solidaria. Os nosos principais grupos de interese inclúen:
Mozos e mozas profesionais
Persoas novas que buscan un estilo de vida sostible e colaborativo.
Familias Novas
Familias que desexan criar aos seus fillos nun entorno seguro e enriquecedor.
Poboación Maior
Persoas maiores que buscan compañía e apoio mutuo.
Activistas da Sustentabilidade
Persoas de todas as idades comprometidas co medio ambiente e prácticas de vida sostibles.
O noso blogue
Se tes interese en formar parte do estilo de vida de Alvariza ou queres máis información sobre os noso proxecto de covivendas, non dubides en poñerte en contacto con nos.
Asociarse
Legal
Menú
Inicio
Alvariza